NİDA-çı gənclərə qarşı 19 cildlik, 4 000 səhifəlik cinayət işi irəli sürülüb

Bunu aprelin 4-də NİDA-çıların məhkəmə prosesində ittiham olunanlardan biri- İlkin Rüstəmzadə qaldırdığı vəsatətində deyib. O hakimə bildirib ki, 11 ay həbsdə olsa da ona ittihamın mahiyyəti izah olunmayıb və nədə təqsirkar olmasından xəbərsizdir.

Hakim İlkin Rüstəmzadəyə eyni vəsatəti bir neçə dəfə qaldırdığını diqqətə çatdırıb. Bildirib ki, ittihamlar göz qabağındadır.

Hakimin bu yanaşmasına vəkil Elton Quliyev etiraz edib. O, ittihamı təqsirlədirilənə saxlanılan zaman müstəntiqin, məhkəmə zalında isə hakimin izah etməli olduğunu deyib.

Bundan sonra dövlət ittihamçısı ittihamın mahiyyətini izah etmək istədiyini bildirib:

Bundan sonra gənc müttəhim sərbəst ifadə verməyə başlayıb. İlkin Rüstəmzadə konstitutsion hüquqlarından istifadə edərək sosial şəbəkələrdə “event” yaratdığını bildirib:
İlkin Rüstəmzadə Ağır Cinayətlərə dair İşlər üzrə İstintaq İdarəsində 4-5 saat necə dindirildiyini izah edir:
İlkin Rüstəmzadə digər ittihamlarla yanaşı “Harlem Shake” videosunu çəkdiyinə görə xuliqanlıqda da ittiham olunur. O, bu ittihamı absurd adlandırıb:

İlkin Rüstəmzadə ifadəsinin sonunda xuliqanlıq ittihamını üzərindən götürülməsini istəyib:


Hakim Cavid Hüseynov 16 əlavə şahidin dindirilməsi haqqında vəkil Xalid Bağırovun ötən gün məhkəmədə qaldrdığı vəsatətini rədd etdi.

«Azad Gənclik» Təşkilatının fəalı, həbsindən sonra həm də NİDA-ya üzv olan İlkin Rüstəmzadəyə qarşı ittihamlar xuliqanlıq, silah və kütləvi iğtişaşla bağlıdır.

NİDA-çı gənc Bəxtiyar Quliyev qanunsuz yollarla silah, partlayıcı maddə və qurğular əldəetmə, saxlama, daşıma və gəzdirmədə ittiham olunur. Ona qarşı həm də narkotik maddə saxlamaq, xuliqanlıq və zorakılıqların, talan və yanğınların törədilməsi, əmlakın məhv edilməsi ilə müşayiət olunan kütləvi iğtişaşların təşkili və ya belə iğtişaşlara qatılma maddələri də qaldırılıb.

NİDA-çılardan Məmməd Əzizov və Şahin Novruzluya qarşı silah, narkotik maddə və iğtişaşla bağlı maddələr irəli sürülüb.

Digər NİDA-çı gənclər – Rəşad Həsənov, Rəşadət Axundov, Zaur Qurbanlı və Üzeyir Məmmədli silah, partlayıcı maddə və qurğular əldəetmə, saxlama, daşıma və gəzdirmədə və kütləvi iğtişaşa cəhddə ittiham olunurlar.

Beynəlxalq hüquq müdafiə təşkilatı «Amnesty International» müttəhimləri «vicdan məhbusu» elan edib.

Ümumilikdə NİDA gənclər təşkilatının 8 üzvü hazırda həbsdədir. Onlar ittiham edildikləri maddələrlə 7 ilə qədər azadlıqdan məhrum oluna bilərlər.

Milli Şuranın aprelin 4-də yaydığı məlumatda da deyilir ki, NİDA-çı gənclərin həbsi, istintaqı və məhkəmə prosesi qanun pozuntuları ilə müşayiət edilir.

Bu məhkəmə prosesini 1937-ci illərin sovet repressiyası ilə müqayisə edən sənəd müəllifləri NİDA-çı gənclərin azadlıqdan məhrum edilməsini rusvayçılıq adlandırırlar:
Milli Şura Azərbaycan müxalifət qüvvələrinin toplaşdıqları azsaylı birliklərdən biridir. Şurada bir neçə müxalifət partiyası və ictimai fəal birləşib.