POROSHENKO TÜRKİYƏYƏ SƏFƏRİNİ TƏXİRƏ SALIR
Ukrayna prezidenti Petro Poroshenko bəyan edib ki, Donetsk vilayətinin şərqindəki Amvrosievka və Starobeşovo rayonlarına Rusiyadan gətirilmiş hərbi qüvvələr hücum edib. Yaydığı videomüraciətdə Poroshenko bildirir ki, Türkiyəyə səfərini təxirə salaraq Milli Təhlküəsizlik və müdafiə şurasının təcili iclasının çağırır. Prezident vəziyyətin kəskinləşməsi ilə əlqaədar BMT Təhlükəsizlik şurasına və Avropa Birliyinə müraciət edəcəyini bildirib.
MƏXFİLİK PƏRDƏSİ ALTINDA DƏFN
Bu günlərdə Ukrayna ordusu Rusiya desantçılarını əsir alıb. Ukrayna ərazisinə keçən bu hərbçilər deyirlər ki, Kostromada yerləşən hərbi desant qoşunlarında xidmət edilər. Onları hərbi təlim adı altında Rostov vilayətində gətirəndən sonra, ara yollarla Ukrayna ərazisinə göndəriblər. Rusiya prezidenti Putin Minsk sammitində Rusiya qoşunlarının Ukraynaya müdaxiləsi haqda xəbərləri təkzib edərək deyib ki, ola bilər hansısa bölmə yolu azaraq qonşu ölkəyə keçsin, lakin Rusiya hərbi komandanlığının Ukraynaya hərbçi göndərmək haqda ömri yoxdur. Desantçıların valideynləri öz övladlarının mediada görəndən sonra Rusiyanın siyasi rəhbərliyini ittiham etməyə başlayıblar. Kostormada AzadliqRadiosunun Rusiya xidmətinin əməkdaşları ilə söhbətdə bir qrup əsgər valideyni bildiriblər ki, rəsmilər onları inandırmağa çalışır ki, media oğullarının əsir görüntüləri saxtadır. Onlar buna inanmadıqlarının deyirlər. Rus dilində dərc olunan bu məqalədə bildirlir ki, desant qoşunlarının həlak olan əsgərləri məxfi şəkildə dəfn olunur, hərbi komandanlıq onların Ukraynada həlak olmasını inkar edir, lakin məhz hansı şəraitdə öldüklərini də izah edə bilmirlər.
KİYEV AVQUSTUN 28-NƏ OLAN VƏZİYYƏT HAQDA
Ukrayna Təhlküəsizlik və Müdafiə şurasının yaydığı xəritədə ilk dəfə olaraq ancaq göy rəngli oxlar görünür. Göy rəng separatçıların hücumlarıdır. Buradan görünür ki, hücumlar Rusiya ərazisindən gəlir. Hərbçilərinin nümayəndəsi Lysenko bu gün təsdiq edib ki, Novoazovsk şəhəri rusların əlinə keçib. "Orada Rusiya ordusunun hərbi texnikası var" deyib. Başqa bir istiqamətdə - Saur-Moqila yüksəkliyinin kimin əlində olduğu hələ də bilinmir. Sosial mediada strateji əhəmiyyəti olan bu yüksəklikdə separatçıların fotoları yayılsa da, onların nə vaxt çəkildiyi bilinmir. Bu yüksəklik uzun müddət Rusiyameylli qüvvələrin əlində idi. İlovaysk şəhərində separatçıların mühasirəsində olan Donbass və Dnepr könüllər batalyonunun aqibəti haqda dəqiq xəbər yoxdur. Onlar müdafiə olunduqlarını bildirsələr də, qüvvəlrəinin tükəndiyini deyirlər. Ukrayna ordusunun həmin istiqamətdə kömək göndərmək imknalrı məhdudlaşıb. Rusiya sərhəddinə yaxın olan bu əraziyə Rusiyadan gələn yeni hərbi hissələrin yeridildiyi bildirilir.
Rusiyanın #Ukrayna-ya hərbi müdaxiləsi haqda http://t.co/fhHuXSav4m http://t.co/zh7nc8WmI4
— AzadliqRadiosu (@RadioAzadliq) 28.8.2014