MH-17-ni vuran BUK zenit qurğusunun Donetskdən Rusiyaya çıxarıldığını iddia edir
Bu videonu FB səhifəsində paylaşan Ukrayna daxili işlər naziri Arsen Avakov iddia edir ki, yük maşının yedəyindəki Malayziya təyyarəsini vuran zenit qurğusudur, separatçılar cinayətin izini itirmək üçün onu təcili şəkildə Rusiyaya aparırlar. AzadlıqRadiosunun bu videonun həqiqiliyini yoxlamaq imkanı yoxdur. Lakin Rusiya və Ukrayna faciədə bir-birini ittiham edir və hər 2 tərəf, nə qədər qəribə də olsa, sosial şəbəkədə yayılan görüntülərə, gizli telefon danışıqlarının səs yazısı iddia olan videolara müraciət edir.
#Ukrayna təhlükəsizlik qüvvəsinin yaydığı gizli telefon danışıqları - doğrudursa hər şeyi aydın edir. AmmaDoğrudurmu? http://t.co/NKWlfTz4X6
— AzadliqRadiosu (@RadioAzadliq) 18.7.2014
BMTdə #Ukrayna ehtirasları http://t.co/yeDfR7NUHD
— AzadliqRadiosu (@RadioAzadliq) 18.7.2014
Malayziya Ukraynada təyyarə qəzasının araşdırılmasına 130 mütəxəssisini cəlb edib
Qəzaya uğrayan sərnişin təyyarəsi ilə bağlı araşdırma aparmaq üçün Ukraynaya 130 malayziyalı mütəxəssis gəlib.
Bu barədə mətbuata Malayziya nümayəndə heyətinin rəhbəri Hilmi Mokhtar məlumat verib.
Nümayəndə heyətinin tərkibində Malayziyanın nəqliyyat naziri Liow Tiong Lai da var.
Nəqliyyat naziri təyyarənin qəzaya uğradığı ərazidə Malayziya mütəxəssislərinin təhlükəsiz işləməsi üçün şərait yaradılacağına əmin olduğunu bildirib.
Amsterdam-Kuala-Lumpur marşrutu ilə hərəkət edən, «Malayziya Hava Yolları»na məxsus «Boing-777» iyulun 17-də Ukraynanın şərqində, rusiyameylli separatçıların nəzarətində olan ərazidə qəzaya uğrayıb.
Təyyarədə olan 298 adamın hamısı həlak olub.