Yeni qanlı döyüşlər, yeni girovlar, yeni prezident (Ukrayna xronikası 28 may-1iyun )

ODESSA VƏ KİYEV MERLƏRİ SEÇİLİR

Bazar günü Ukraynada ancaq prezidenti deyil, Kiyev və Odessa şəhərlərinin merlərini də seçirdilər. Paytaxtda gözlənildiyi kimi, Udar partiyasının rəhbəri, məşhur boksçu Victor Klitschko qələbə qazandı və artıq Avromaydan fəallarından Kiyev şəhər sovetinin binasını boşaltmağı xahiş edib ki, şəhər rəhbərliyi normal fəlaiyyətə başlaya bilsin.

Odessada isə Klitschkonun partiyadaşı sabiq şəhər meri Eduard Gurwits iş adamı və bu yaxınlara qədər hakim Yanukovych-in Regionlar partiyasının üzvü olan Gennadiy Trukhanova uduzub. Mayın 27-də 43 faiz səs toplayan Trukhanov Odessa meri elan olunub. 32 faiz səs toplayan Gurwits iddia edir ki, seçkilərin gedişində saxtakarlıq olub. O, seçkilərin nəticələrinə məhkəmə yolu ilə yenidən baxılmasına çalışacağını deyir.

Jitomirdə naməlum yaraqlılar Ukrayna radikalları (Sağ sektor təşkilatının üzvlərini) girov götürüblər.

Donetsk yaxınlığında dəmiryol xəttlərində diversiya baş verib. Daxili işlər nazirliyi qatarların hərəkətinin bərpa olunduğunu bildirib.

Separatçılar elan ediblər ki, Donetskdə komendant saatı elan olunur. "OstovB" saytına istinadən AzadliqRadiosu Rusiya xidməti xəbər verir ki, Qorlovka şəhərində yaraqlı separatçılar yerli polis rəhbərliyini separatçı Donetsk xalq respublikasına tabe olmamaq ittihamı ilə güllələyiblər.

Donbasda Ukrayna hakimiyyətinə qarşı döyüşən yaraqlılar əsasən Rusiyadan və Krımdan gələn, özlərinin dediyi kimi könüllülərdir. Bunlar Əfqanıstanda, Çeçenistanda, Gürcüstanda döyüş təcrübəsi qazanmış hərbçilərdir. Bu günlərdə separatçıların tərəfində vuruşan çeçenlərin Donetskdəki görüntüləri yayılıb. Bəs bu canlı qüvvənin müasir silahlarla təhcizatı necə baş verir? Yaraqlıların rəhbəri, rus zabiti İgor Strelkov etiraf edirb ki, əllərində kifayət qədər silah var və dediyinə görə onu böyük pullara satın alıblar. Zaporojye vilayətində Krımdan Donetskə gedən yükün tərkibi Donbasdakı silahlı hərəkatda Krımın xüsusi rolunu təsdiq edir.

Donetsk aeroportu ərazisində mayın 27-dən yaranmış sakitlik yenidən pozulub, atışma başlayıb. İnterfaks agentliyi Donetsk üzərində hərbi aviasiyanın uçduğunu xəbər verir.

Hadisələr haqda daim xəbər verən və əsasən rəsmi Ukrayna mənbələrinə əsaslanan Dmitriy Tymchuk yazır ki, təhükəsizlik qüvvələri separatçıların bir neçə atəş nöqtəsini məhv ediblər. Bu zaman 10 qumbaraatan da daxil olmaqla çoxlu silahla yüklənmiş mikroavtobus ələ keçirilib. Əsir götürülən yaraqlılar arasında Ukrayna vətəndaşları ilə yanaşı Rusiyanın Şimali Qafqaz bölgəsindən olan şəxslər də var.

“Novosti Donbassa” şahidlərə istinadən yazır ki, Donetsk küçələrindən separatçıların hərbi karvanı hərəkət edir. Onların üzərində Rusiya bayrağı qaldırılıb. Karvan 1 BTR-dən, təcili yardım maşısınıdan, yedəyində iriçaplı pulemyotlar quraşdırılmış KamAZ maşınlarından və 2 avtobusdan ibarət olub.

Verxnetoretskoye kəndində separatçılar supermarketi zəbt edərək bildiriblər ki, buradan “xalq ordusunun” ərzaq təhcizatı məntəqəsi kimi istifadə olunacaq.